Pagkaanindot sud-ongon
Panagway mo nga mapahiyumon
Mga mata nga daw sidlak sama sa bituon
Kanimo dunay buot nga moangkon!
Apan luyo sa imong pagpakaaron-ingnon
Nahisama ka sa bisyo og nagumon
Sa pagsukarap maglisod na og bangon
Mahimo pa ba kining bakwion?
Buot mo man nga hitalikdan
Og sa hangtod kini hikalimtan
Apan kini magpabilin sa handumanan
Aduna nay luna sa imong kahiladman!
Kini ang dakong bugno sa imong kinabuhi
Bisan pa man nga ikaw niini magdumili
Itisok pagbalik ang nag-inusarang binhi
Alimaha pag-usab, matuod nga kalipay ang bugti!
No comments:
Post a Comment