Sa akong pagpakisusi
Nisamot na og nigrabe
Halos kadaghanan niini
Wala nay mapili.
Ang kanhing batang yagit
Karon kusog na mohihit
Didto sa maong kangitngit
Nakita niya ang langit.
Mga gidiling druga
Karon mikaylap na
Sa mga kamot sa yawa
Napriso na sila.
Nganong sila niini naulipon?
Tungod ba sa kawad-on?
Nganong dinhi sila midagan?
Wala na bay kasulbaran?
Kinsay panilngan niini
Sa nasayang nga kinabuhi
Kinsay makabakwi
Og sa kagahapon makauli.
No comments:
Post a Comment