Gitudloan mo ako og kon unsay gugma
Gidawat mo ako sa walay pagduha-duha
Gipakasama mo nga imong usa ka obra
Giampingan kanunay nga walay sama!
Ang katam-is sa pagmahal imong gipatagamtam
Kanunay ko nang gipangita og nahimong kinaham
Makabuhong nga kalipay atong ginasaw-an
Kalan-on sa kasing-kasing imong gihalaran!
Karon atong sud-ongon ang duha nato ka gugma
Taliwala sa makusog nga unos didto pabarugon ta
Og dili nato itugot nga kita sa kasayon mapukan
Ang duha ta ka gugma atong unongan og pakamatyan!
No comments:
Post a Comment