Gibati ko karon ang kalaay
Dinhi sa opisina nagtulo ang laway
Nagamug-ot akong panagway
Buot makig-hadla sa mga panuway.
Gilingaw ko nalang akong kaugalingon
Aron sa kalaay dili ako maulipon
Dakong bugno nga akong sagubangon
Nga angayan kong pagabuntugon.
Tibuok adlaw nga nakig-atbang
Sa mando og sugo nagpaabot lang
Samtang nagsulat aron panahon di masayang
Inig singgit sa amo aron di usab makugang.
Kalaay og kamingaw ang kontra
Kung magpadaog og magpaulipon ka
Lamyon ka niini og ikaw matumba
Makawang lang ang imong paninguha…
This comment has been removed by the author.
ReplyDeleteBay Adbent,
ReplyDeleteBag-o pa ko niduaw sa diri sa imong payag. Nindot kaayo imong payag, unya nalingaw pod ko ug basa. Padayon sa imong pagkamamugnaon bahin sa pagsulat. God bless us always!
Nips:))
Abi nakog mosakay pa ko og gamhanang nigo sa pagsulod sa imong kalibotan.Yamyaman lang,moabli dihadiha dayon ang tabil dungan sa imong pasundayag. Nindot sab ning imong kalibotan.Padayon, silingan.
ReplyDeleteSalamat sab sa imong pagduaw sa akong kan-anan sa taboan. Negosyo ginagmay apan makalipay.
dagsa