Gibati ko karon ang kalaay
Dinhi sa opisina nagtulo ang laway
Nagamug-ot akong panagway
Buot makig-hadla sa mga panuway.
Gilingaw ko nalang akong kaugalingon
Aron sa kalaay dili ako maulipon
Dakong bugno nga akong sagubangon
Nga angayan kong pagabuntugon.
Tibuok adlaw nga nakig-atbang
Sa mando og sugo nagpaabot lang
Samtang nagsulat aron panahon di masayang
Inig singgit sa amo aron di usab makugang.
Kalaay og kamingaw ang kontra
Kung magpadaog og magpaulipon ka
Lamyon ka niini og ikaw matumba
Makawang lang ang imong paninguha…
