Bakak

Nganong gibati ko kini
Bisan kasing-kasing nagdumili
Buot mahanaw sa akong kinabuhi
Og kanimo dili na molingi.

Kalit nga nahanaw ang tanan
Kasing-kasing ko ron samaran
Kasakit nga hilabihan
Karon akong natagamtaman.

Sa akong paglusong
Didto sa malapok nga luyong
Maglisod na og bangon
Sa walay pagpakaaron-ingon.

Nganong maoy akong gidangatan
Unsa may nabuhat nga kasaypanan
Sa ingon lang kasayon ako talikdan
Bakak lang ba diay kadtong tanan?