Karon ako nagamahay
Gibati ko na ang kalaay
Angayan pa ba nga malipay
Sobra na kini nga pagsulay.
Sayop ba kining gibati ko
O silot kini kanako
Unsa man ang nagpaluyo
Niini ako nangamuyo?
Mao ba kini ang dalan?
Nga angayan kong pagalaktan?
Kon ugaling nahasaag man
Muluhod ako aron giyahan.
Nganong kini gitugutan
Kung pag-antos mahiaguman
Kasakit akong matilawan
Kahayag mosidlak kanus-a man?
No comments:
Post a Comment