.jpg)
Sa makadaghang higayon
Imong gilutos og buot tapuson
Nagkamang sa yuta didto sa kawad-on
Nalubong sa lapok,nagpakilooy’ng haw-ason!
Bisan pa man niining tanan
Labot ka niining akong kalibutan
Bisan abugon mo man sa makadaghan
Mobalik ako nganha sa imong tugkaran!
Karon ako kanimo nagpahilayo
Gibalon ko ang mga kasakit og kasubo
Dinhi ko buntogon, kahuyang nga nagatago
Giyahan unta sa langit ako intawon nangamuyo!
Buot ko man nga ikaw hikalimtan
Ilubong sa hingpit kadtong kapakyasan
Apan bisan pa man sa akong nahiaguman
Ikaw, dili og dili gayod nga mahimong hitalikdan!
mao gyud. bisan unsa pa kana nga mga kapakyasan nga nahi-aguman,igo na lang ta sa paghandum kay kini nahisama na sa kagahapon. mopadayon lang gihapon ta sa unahan aron motagamtam sa kaharuhay sa kinabuhi karon nga wa nahatag sa kaniadto. apan dili kini mao ang babag nga di na ta angayan mobalik sa atong gigikanan. kay walay lain lugar nga makalabaw pa sa atong yutang natawhan.:))
ReplyDeletewow,ngilngiga gyod aning akong amiga oy..
ReplyDeletedaghang salamat sa imong pagduaw og sa imong mga bulawanong pulong nga kanako gipatagamtam...
amping kanunay higala ko..